Basalt

Il basalt al è un cret vulcanic dûr, gjeneralmentri di colôr neri, di chimisim basic, cuntun contignût di silice (SiO₂) minôr dal 53 parcent di pês.
Pal so bas contignût di silice, al è caraterizât di une base viscositât (resistence al flus). Cheste e je la reson par cui i flus basaltics a puedin scori besvelt e lâ indenant ancje par tancj chilometris de bocje erutive. La base viscositât e jude ancje la jessude dai gas, che puedin scjampâ cence violentis esplosions. Minerâi che si cjatin par solit tai basalts a son pirossen e plagioclasi; dome un pôc mancul comun e je la olivine. Secont de modalitât erutive, il basalt al pues saltâ fûr dûr e penç, o ben crepadiç e plen di bufulis. La temperadure di eruzion dal basalt e je par solit jenfri i 1100 e i 1250° C.

Basalt, Etna, Sicilia. Foto J. Alean