Cjalderie

La cjalderie e je une grande depression, di forme par solit taronde, che si forme sul cuc di un vulcan cuant che il magme presint sot dal teren al ven besvelt a mancjâ, par solit vie par une eruzion violente. La rimozion dal magme e puarte a la pierdite dal sosten struturâl dal cret parsore, puartant a la sdrumade dal teren e a la formazion de grande depression. Lis cjalderis a son duncje diviersis dai cratêrs, che a son par solit depressions plui piçulis, ancjemò dispès tarondis, ma creadis diretementri di fenomens esplosîfs tal cors di une eruzion.

Fats e dâts: La plui grande eruzion dal XX secul de bocje Novarupta inte Val dai Dîs mil Fums in Alaska e à puartât a la emission di cirche 12 chilometris cubics di magme e e à provocât la formazion di une cjalderie di cirche 3 km di diametri. Al è une vore interessant il fat che cheste cjalderie no si è formade in corispondence de bocje erutive, ma a une distance di cirche 10 km, al stratovulcan Katmai! Al somee duncje che il magme erutât de bocje Novarupta al fos stât drenât de cjamare magmatiche dal Katmai.

Cjalderie di Crater Lake, Oregon, USA. Foto: J. Alean