Fotoglossari

Gas vulcanics

I gas vulcanics a son butāts fūr dal magme sei cuant che al ven sł a planc a le superficie, sei dilunc lis eruzions. Propite come cuant che e ven distropade une butilie di une bibite gasade, ancje il magme al si jemple di bufulis di gas cuant che al ven sł e al si depresurize. Il gas che al č une vore il plui presint tai magmis al č ... il vapōr di aghe (HO)! Altris gas comuns a son il CO2 (biossit di carboni o anidride carboniche), SO2 (biossit di solfar o anidride sulforose), HCl (acit cloridric), ma a son une vore di altris composts che a si cjatin tai gas vulcanics, pero con concentrazions plui limitadis.

Fats e dāts: Come che i gas vulcanics a formin acits cuant che a si disfin te aghe, chescj a tirin a atacā i crets atōr di lōr, fruēonantju fintremai a vź le consistence de arzile. Chest gjenar di alterazion idrotermāl, une vore comun in cetants vulcans, ju rint dispčs balarins e riscjōs di cediments e slacs di pantan. Lis variazions des concentrazions relativis dai diviers gas a son une vore impuartants te valutazion dal stāt di un vulcan, e par la cuāl te eventuāl prevision di gnovis eruzions. I gas vulcanics no lassin par fuarce il vulcan fūr de bocje principāl, ma a puedin lā fūr di fraturis o altris bocjis, che a cjapin il non di fumarolis.

I gas vulcanics butāts fūr de Bocca Nuova, Etna a son trasportāts lontan dal oservadōr dal aiar fuart. Foto: J. Alean