Riolite

La riolite e je un cret di colôr clâr, di chimisim acit, cuntun contignût di silice (SiO₂) di plui dal 68 parcent di pês. Ossits di sodi e di potassi a puedin rivâ al 5 parcent di pês. I minerâi che si cjatin par ordenari in te riolite a cjapin dentri cuarz, feldspât e biotite, par solit dentri di une madrîs vetrose. Lis riolitis a son erutadis par solit a temperaduris jenfri i 700 e i 850°C.

Fats e dâts: Le peraule riolite e ven fûr dal Grêc rhyax (flus) e lithos (cret). La riolite e cjape il non de sôs carateristichis bandis di flus, componudis di nivêi rics di bufulis e di cristâi, che a si formin in chel che la lave e ven indenant suntune superficie. La riolite e pues cjapâ aspiets une vore diferents daûr dal mût che je e ven erutade. Eruzions esplosivis di riolite puartin a la formazion di pomighe, blancje e une vore plene di bufulis. Eruzions efusivis de stesse riolite a puartin dispès a une osidiane, vetrose, nereôse e par solit cence bufulis. La riolite erute dispès intune maniere esplosive par vie dal sô alt contignût in silice e de consecuent alte viscositât (resistence al flus), che no jude il degassament. Cuant che si formin lis bufulis di gas, chestis a puedin puartâ a la esplosion dal magme, sminuçantlu in pomighe e piçulis particulis di cinise vulcaniche.