Eruzion vulcaniane

E je une eruzion esplosive, che e bute fur tal aiar slambris di lave che no cjapin une forme cuasi taronde tal svol par vie che a son o masse viscôs o bielzà un pôc imbrucjits. Chestis eruzions di energjie piçule a pet di, par esempli, chês plinianis, erutin une vore di cinise però ancje bombis a croste di pan e blocs. A son implicâts par solit magmis andesitics o dacitics par vie de lôr carateristichis di viscositât (resistence al flus) che a rindin faturose la jessude dai gas cence fuartis presions, che a causin juste apont la esplosion. Il non al ven fûr dal vulcan Vulcano, une des Isulis Eoliis, tal nord de Sicilie.

Vulcano in eruzion, 14 .2.1889. Cjale lis bombis e i blocs parsore dal nûl erutîf. Foto storiche, vadì ritocjade.