Realien: Materialien von Anton Hafner (KZU Bülach)
Requiem
(Plenarmesse für die
Verstorbenen)
Introitus
Requiem aeternam dona eis, Domine; et lux perpetua luceat eis.
Te decet hymnus, Deus, in Sion, et tibi reddetur votum in Ierusalem.
Exaudi orationem meam; ad te omnis caro veniet.
Requiem aeternam dona eis, Domine; et lux perpetua luceat eis.
Kyrie
Kyrie, eleison. (3x) - Christe, eleison. (3x) - Kyrie, eleison. (3x)
Graduale
Requiem aeternam dona eis, Domine; et lux perpetua luceat eis.
In memoria aeterna erit iustus; ab auditione mala non timebit.
Sequenz: Dies irae (Tomas von Celano 1190 - 1260)
1. Dies irae, dies illa 2. Quantus tremor est futurus.
solvet saeclum in favilla
teste David cum Sibylla.
quando iudex est venturus
cuncta stricte discussurus!
3.
Tuba mirum spargens sonum
per sepulcra regionum,
coget omnes ante thronum.
4.
Mors stupebit et natura,
cum resurget creatura
iudicanti responsura,
5.
Liber scriptus proferetur,
in quo totum continetur,
unde mundus iudicetur.
6.
Iudex ergo cum sedebit,
quidquid latet, apparebit:
nil inultum remanebit.
7.
Quid sum miser tunc dicturus?
quem patronum rogaturus,
cum vix iustus sit securus?
8.
Rex tremendae maiestatis,
qui salvandos salvas gratis,
salva me, fons pietatis!
9.
Recordare, Iesu pie,
quod sum causa tuae viae:
ne me perdas illa die!
10.
Quaerens me sedisti lassus,
redemisti crucem passus:
tantus labor non sit cassus!
11.
Iuste iudex ultionis,
donum fac remissionis
ante diem rationis!
12.
Ingemisco tamquam reus,
culpa rubet vultus meus:
supplicanti parce, deus!
13.
Qui Mariam absolvisti
et latronem exaudisti,
mihi quoque spem dedisti.
14.
Preces meae non sunt dignae,
sed tu bonus fac benigne,
ne perenni cremer igne!
15.
Inter oves locum praesta
et ab haedis me sequestra
statuens in parte dextra!
16.
Confutatis maledictis
flammis acribus addictis
voca me cum benedictis!
17.
Oro supplex et acclinis,
cor contritum quasi cinis:
gere curam mei finis!
Lacrimosa dies illa,
qua resurget ex favilla
iudicandus homo reus.
Huic ergo parce, Deus!
Pie Iesu Domine, dona eis requiem. Amen.
Offertorium
Domine Iesu Christe, rex gloriae:
libera animas omnium fidelium defunctorum
de poenis infernis et de profundo lacu!
Libera eas de ore leonis,
ne absorbeat eas tartarus,
ne cadant in obscurum!
sed signifer sanctus Michael repraesentat eas
in lucem sanctam!
quam olim Abrahae promisisti et semini eius.
Hostias et preces tibi, Domine, laudis offerimus;
tu suscipe pro animabus illis,
quarum hodie memoriam faciemus:
fac eas, Domine, de morte transire ad vitam!
Sanctus - Benedictus
Sanctus, Sanctus, Sanctus
Dominus, Deus Sabaoth.
Pleni sunt caeli et terra gloria tua.
Hosanna in excelsis.
Benedictus qui venit in nomine Domini.
Hosanna in excelsis.
Pie Iesu Domine, dona eis requiem aeternam!
Agnus Dei
Agnus Dei, qui tollis peccata mundi: dona eis requiem!
Agnus Dei, qui tollis peccata mundi: dona eis requiem!
Agnus Dei, qui tollis peccata mundi: dona eis requiem sempiternam!
Communio
Lux aeterna luceat eis, Domine, cum sanctis tuis in aeternum:
quia pius es.
Requiem aeternam dona eis, Domine; et lux perpetua luceat eis.
Das jüngste Gericht: Michelangelo, Taddeo di Bartolo
Download:
Text 12KB (RTF-File)
Text 56KB (Word98-File)