Realien: Materialien von Anton Hafner (KZU Bülach)

1.

Stabat mater dolorosa
iuxta crucem lacrimosa,
dum pendebat filius.
Cuius animam gementem
contristatam et dolentem
pertransivit gladius.

2.

O quam tristis et afflicta
fuit illa benedicta
Mater unigeniti!
Quae maerebat et dolebat,
pia Mater, dum videbat
nati poenas incliti!

3.

Quis est homo, qui non fleret,
Matrem Christi si videret
in tanto supplicio?
Quis non posset contristari
Christi (oder: piam) Matrem contemplari
dolentem cum filio?

4.

Pro peccatis suae gentis
vidit Iesum in tormentis
et flagellis subditum;
vidit suum dulcem natum
moriendo desolatum,
dum emisit spiritum.

5.

Eia Mater, fons amoris,
me sentire vim doloris
fac, ut tecum lugeam!
Fac, ut ardeat cor meum
in amando Christum deum,
ut sibi complaceam!

6.

Sancta Mater, istud agas,
crucifixi fige plagas
cordi meo valide!
Tui nati vulnerati
tam dignati pro me pati
poenas mecum divide!

7.

Fac me vere tecum flere,
crucifixo condolere,
donec ego vixero!
Iuxta crucem tecum stare
te libenter (oder: et me tibi) sociare
in planctu desidero.

8.

Virgo virginum praeclara,
mihi iam non sis amara:
fac me tecum plangere.
Fac, ut portem Christi mortem,
passionis fac consortem
Et plagas recolere!

9.

Fac me plagis vulnerari,
cruce fac (oder: hac) inebriari
oder: fac me crucem inebriari
ob amorem filii! (oder: et cruore filii)
Inflammatus et accensus
oder: Flammis ne urar succensus,
per te, Virgo, sim defensus
in die iudicii!

10.

Fac me cruce custodiri
morte Christi praemuniri,
confoveri gratia!
oder: Christe, cum sit hinc exire,
da per matrem me venire
ad palmam victoriae.
Quando corpus morietur,
fac, ut animae donetur
Paradisi gloria!

Amen! In sempiterna saecula. Amen.